حالات بيعيشوها
(1)
كان نفسك تنده بعيونك
نظرات الغيره وتطلقها
لكن ماقدرتش تقنعها
انها تطلع من خفاياك
وتبوح بالمكنون جواك
حزن اللحظه لما تعدى
بتلومك عل الفرصه الضايعه
وتقولك : "باى باى يا حليوه
انا مش راجعه"
****************
(2)
شلت ايديك من الليله بحالها
وانت شايفها بتبكى بدمك
شايله داخلها جزئين منك
جزء بيعشق
جزء بيبغض
جزء بيعشــــق همس القافيه
فى الشعر اللى بخط ايديك
جزء بيبغـــض انسان تانى
جواها عايش
انت الطلقه
وهو الرايش
*****************
(3)
اخوك سعيد
راح يستلم مقاليد سريرك من بعدك
بعد اما كنت بتمنعه
من انه حتى يبات عليه
هيقلب فى مراتب الذكرى
ويكلم براغيت احلامك
اللى نســـيتها
هيـــــــــــفتتـــها
برواز ليــــــــــــــــل
(مصطفــــى نوبــــى)
هناك 9 تعليقات:
هيقلب فى مراتب الذكرى
ويكلم براغيت أحلامك
اللى نسيتها
هيفتتها
.............
حزن اللحظة لما تعدى
بتلومك عالفرصة الضايعة
وتقولك : باىباى ياحليوة
أنا مش راجعة
.........................
جزء بيعشق همس القافية
فى الشعر اللى بخط ايديك
.........................
مصطفى للأسف عاوزة أقولك انك وانت بتقولها طيرت منى 3/4 امتاعى بالقصيدة
يابنى انت جاااااااامد جدا
تحياتى
:)
- حلو يادرش
-بس
عجبى على ده شاعر
شاعر...أنا بيه..والله شاعر
---------------------------
يا سيد مصطفى منذ قديم الأزل-أنت عارف أنى قديم-وأنا بقول أنك ليك مستقل...
حلوه يا تيفه...بس وحياه أغلى حاجه عندك نفسى أسمعها منك وأتكيف زأعمل دماغ ....
أوعدنى بده...
وأنا أجيبلك مصاصه...
ماشى يا درش
دمت مش مبدع ..لا..متميز
برواز من غير ملامح
أحمد الشاعر
همسات
شكرا على تعليقك يا هدى
بجد نورتى البلاج
وانا بحاول احسن من القائى
بس انتى ادعى
=================
وائل فتحى
اهلا بيك يا افندم نورت البلاج ببوستك الكريم
وشكرا على شهادتك القصيره
وبس
=================
احمد الشاعر
انت عارف يابنى انى مبحبش المصاصه
هاتلى اى حاجه تانيه
:)
أنا مش هقولك حلوه و كده
أنت يا أبني مبدع
و نرجوا المزيد
و محدش هنا يعلق ع الألقاء إلا لما يحسن من نفسه الأول.
هايللللللللللللللللللللللللل
wala she 7lo kteer
inta 3an jad fanan ...keep it up
لينا وريهام
بجد نورتوا البلاج
وفرحان جدا برأيكم فى قصيدتى
دمتم اصدقائى
بس
محمد حازم:
انت اللى قصايدك كلها عال وشاده حيلها
اتمنى اسمع جديدك وترجع للكتابه بسرعه
والله ياجماعه الواحد بيحاول على قد مايقدر يحسن القائه
وربنا يسهل
إرسال تعليق