.
من قصيده ابجدية من حروفهم
و
ووابور عنيكى
لما زعق فيا توت
هتك السكوت
خلانى ....... ابوح
بالانتفاضه الكامنه
جوايا
لحظه نزوحى
اليكى منك
مليون سؤال
متنطورين
جوه الكلام
بينى وبينك
مستغربين!!!!
ليه الوابور يمشى؟؟؟؟
وازاى انا هاقبله لو توت مارنتشى؟؟؟؟
.
===========
ب
بعد دموع فى العين الاولى
وزهايمر فى العين التانية
بتودعها
وتلملم جواك هلاهيلك
وتفتتها لحبه ذكرى
ايوة دى حلوه
لأ مش حلوه
فتقطعها لمليون حته
.
.
(بــــــــرواز ليــــــل )
.
مصـــطفى نوبــــــى
.
فوتوغرافيا : مصطفى نوبى
هناك 9 تعليقات:
what happened to the other one?
هتك السكوت
خلانى ....... ابوح
بالانتفاضه الكامنه
جوايا
حلوه اةى
بجد اسلوبك مميز
سلامات :)
ياسلام مش عارفة اقلك ايه
كلمات جنان... انت فنان يااحلى نوبى
انا عاوزة بتاعة المدرج لو سمحت
magnolia :
نورتى البلوج بجد يا مريم
ارجو دوام التواصل
وبس
بيتك ومطرحك بقى
-----------------
لينا :
والله يابنتى بتكسفينى جدا بردودك العسل دى
بجد وحشتونى انتى وريهام جدا
نفسى اكلمكم
عارف مقصر حبتين
معلش سماح
----------------------
hoda :
لا خلصت حضرتك
ولا اقولك
اهه علشان ماتزعليش
ح
حاجز ليها
فى مدرج احلامه الوردى
مستنيها
لسه ماجتش
يالا علشان ماتقوليش حارمك من حاجه
هاي نوبى
واللىة انت اللي واحشني مووووووووت انت ليه مبتدخلش على النت ؟؟؟؟
باي يا اجمل نوبى
lina:
اكيد هادخل قريب وهانتكلم كتير
تحياتى لكى
ايه دا كوله أيه د كوله
بقيت شقي يا ولاا يا نوبي و بتقول توت و توت مرنتشى .
طب توتتتتتتتتتتتتتتتتتتتتتتتت
يا رب اشوفك فاتح الأميل عشان عايز أكلمك.
حروف الابجدية رسمت ملامح ابداعك
فاين المفر بعد كشف امرك بانك شاعر
تحياي اخي احمد
اختك امينة
إرسال تعليق