جزء من قصيدة تغنـّى الصمت

يذاعُ الآن مهد لي

بلا حلمٍ

صبيٌ..عابسٌ..مسكين

يغني الصمت محمولاً

ليلقى اليم

--------

جزء من قصيدة تغنى الصمت

(برواز من غير ملامح)

أحمد الشاعـــر

فوتوغرافيا / خليل عز الدين

سعات بحلم

سعات بحلم

وحلمي نادرا بيكون

بأني لوحدي في الملكوت

بشكل كل شئ في الكون

على شكل وسلوك مجنون

وأبدل عتمة الدنيا

لضوء أخضر من الفيروز

لضوء يهدي مبيضلش

لضوء مبيسبشي مسافة

لشك

ويمكن آه ويمكن لأ

ويمكن يحتمل ويجوز

سعات بحلم

وحلمي نادرا بيكون

برواز سبح الدرويش

(رامــــــــــوس)

فوتو غرافيا /خليل عز الدين

مقطعين من أبــجد يـة

.

من قصيده ابجدية من حروفهم

و

ووابور عنيكى

لما زعق فيا توت

هتك السكوت

خلانى ....... ابوح

بالانتفاضه الكامنه

جوايا

لحظه نزوحى

اليكى منك

مليون سؤال

متنطورين

جوه الكلام

بينى وبينك

مستغربين!!!!

ليه الوابور يمشى؟؟؟؟

وازاى انا هاقبله لو توت مارنتشى؟؟؟؟

.

===========

ب

بعد دموع فى العين الاولى

وزهايمر فى العين التانية

بتودعها

وتلملم جواك هلاهيلك

وتفتتها لحبه ذكرى

ايوة دى حلوه

لأ مش حلوه

فتقطعها لمليون حته

.

.

(بــــــــرواز ليــــــل )

.

مصـــطفى نوبــــــى

.

فوتوغرافيا : مصطفى نوبى

بدون عنوان

.

.

لو يركب فوق الننى ... الننى

.

لو يلزق فوق الرمش ... الرمش

.

طبع الواحد لن يتدارى

.

مش نظره عينك ... دى اللى بتلمس قلب البنت

.

ولا شعر بيكبر فوق شنباتك ... يعنى كبرت

.

ولا تخن فى صوتك ... ده اللى يقولك إنك راجل

.

والخوف من بكره ... لن يتدارى فى حضن الست

.

هتعيش محبوب ... أو بتحب

.

هتعيش بتخون ... أو تتخان

.

هاتعيش مجنون ... أو مجنون

.

لو فكرت ازاى ... هتحب

.

(بـــرواز ميـــــــــت)

محـــمد حـــــــــازم

فوتوغرافيا : مصطفى نوبى

بوكيــــــه

بوكيـــــــــــــه

(اهلا اهلا .. ازى حضرتك يا استاذ محمود)

تلك كانت كلمات (الريس على) مالك المشتل الذى اٍعتدت التردد عليه

(عاش من شاف سعادتك...ده انت بقالك ييجى سنه واكتر مشفنكش)

(معلش يا ريس... مانت عارف مشاغل الحياه)

وقعت تلك الكلمات كالصاعقه على لسانى الذى نطق آخر كلماته بمراره

- (ثوانى واجهز لسعادتك بوكيه الورد البلدى المخصوص, انا لسه فاكر طلبك من ايام ماكنت بتجيلى ووشك بيرقص من الفرحه أول ماتاخد مسابقه، ولا يوم مانَزلت أول ديوان عملتلك احلى بوكيه ورد عملته فى حياتى، وكله طبعا لأجل الست (منه) ، اٍلا بالحق .....هى اخبارها ايه؟)

صاعقه اخرى تقع على لسانى، لن يسلم ابداً من الصواعق تلك الليله

(اه ...كويسه الحمد لله...دا ..دا حتى خطوبتها كمان كام ساعه)

لم اعرف كيف نطق لسانى بتلك الكلمات، ولا حتى كيف مرت هذه الحروف من بين احبالى الصوتيه، ولكنى احسست وكأنها دموع حلقى رافضه مافيه حالى، وما اٍن عَبَرت تلك الكلمات من بين شفتيَّ ، اٍلا ورأيت عينين منفرجتين متماثلتين تماماً مع وضع الفم ، ولكنى تجاهلت تلك النظرات ،أسرع (الريس على) ليُلحقنى بالبوكيه، فأختفي من امامه،
كنت اراقبه كعادتى من بعيد ولكن بوكيه اليوم مختلف ، فلم أعرف ماسبب اٍحساسى بأن ورق الكوريشه الأسمر الذى اٍستخدمه (الريس على) وكأنه قلبى وان كل زهره تختفى بداخله ماهى اٍلا شذايا تغلغل بصدرى.. بل بكامل جسدى

(اتفضل يا استاذ محمود، والف مبروك للست (منه) )

(تسلم ايديك يا ريس)

من يرضى بحالى واٍن كنت لم أرضى به، حتى البوكيه مااٍن لامسته وكأنى سمعت سيل من اللعنات، كارهاً اٍِحتضانى لبراعمه، وبعدها بعض التمتمات التى نبهتنى لصوت هاتفى المحمول...
وما اٍن رأيت رقم المتصل فاٍذ بى أعدو نحو اول تاكسى اٍستوقفته

(الزمالك يا أسطى؟)

(على فين يا بيه؟؟)

(نادى الترسانه)

(اتفضل يا ذوق)

لم اعرف كيف يتمكن منى مرض النسيان الأحمق فى مثل هذا اليوم،
مااٍن وصلت وتركت التاكسى وسائقه الثرثار،اكملت عدوى ولكن بسرعه اكبر متجهاً نحو قاعه الفيروز المجاوره مباشرهً لقاعه كليوبترا والتى تمتلئ بفرحه كل الحضور لخطبه منه..

فلقد نسيت أن الليله حفل زفافى على صديقه من أهديتها أجمل..... بوكيـــــــه..

(برواز من غير ملامح)

احمد الشاعــــــــــــر

يقظات

يقظــــــــــات


اليقظه الأولى

شأنى شأن البشر أحس دوماً بالخطر
يُنبأنى عقلى بأنى الليله ملك السهر
اغمض عينى .... أرانى سحابه .... تحتضن القمر
ضياء ... يُسَرّب الجمال .... دفء اللقاء ....يُسقط المطر
لؤلؤات ... تغرق فى الأرض ... ومضات
ينقذنى الورد فى عروقه ... أصل الورقات
تطلقنى عطور ... يأسرنى الهواء ... نسمات
أتنفسنى ... أطير بين الذكريات
أتنهد ... لمحات
أتذكر أنى بشر ... يُحِسُنى الخطر
أعود لجسدى ... أستيقظ ... يأخذنى القدر

------------------------------------------

اليقظه الثانية

استيقَظَت ... فتحت باب النافذه ... خَرَجت
تُضئ الدنيا ... تخفى الليل ... رحل القمر
غيامات قلبى خَفَقَت ... حين رأتنى ... شعاع قادم
منها ... شَقّت الشمس ... سحاباتى ارتَعَشت
باغت النور حُلمى ... حاول أن يكمل
أصبته أنا سهم النهار ... أخذ يتململ ... سقط
النسيان يتسلل ... بدا للنوم يتخلل
وما نومه إلا صحوة الخطر ... كونى بشر ... فاستيقظَت

------------------------------------

اليقظه الأخيرة

الآن فى مفرق الطرق ... الاختيار كالبرق
إما أن أتركها مع الحلم مستيقظه
تعيشها ... تقوقها
أو اغمسها ... فى سرير الواقع ... معى
نكابد ... نعاند ... ندافع
من القرار خِفت ... من النهايه اقتربت ... إليها هربت
اهديتنى السؤال ... كم انت بارع
لو كان لى الاختيار ... لتركت جسدك بلا حراك
بلا دوافع
لكن أجلك له بقيه ... إنى هديه
تعود إلىَّ ... من البرزخ ... تَفتح عينىَّ
هرب الخطر ... لأنى بشر ... واقعى حلم ولا مفر
فاستيقظت

------------------

برواز عينيكى

(محمد إبراهيـــم)

حالات بيعيشوها

حالات بيعيشوها

(1)

كان نفسك تنده بعيونك
نظرات الغيره وتطلقها
لكن ماقدرتش تقنعها
انها تطلع من خفاياك
وتبوح بالمكنون جواك

حزن اللحظه لما تعدى
بتلومك عل الفرصه الضايعه
وتقولك : "باى باى يا حليوه
انا مش راجعه"

****************
(2)

شلت ايديك من الليله بحالها
وانت شايفها بتبكى بدمك
شايله داخلها جزئين منك
جزء بيعشق
جزء بيبغض

جزء بيعشــــق همس القافيه
فى الشعر اللى بخط ايديك

جزء بيبغـــض انسان تانى
جواها عايش
انت الطلقه
وهو الرايش

*****************
(3)

اخوك سعيد
راح يستلم مقاليد سريرك من بعدك
بعد اما كنت بتمنعه
من انه حتى يبات عليه
هيقلب فى مراتب الذكرى
ويكلم براغيت احلامك
اللى نســـيتها
هيـــــــــــفتتـــها

برواز ليــــــــــــــــل

(مصطفــــى نوبــــى)

داخل حرم الجامعة

داخل حرم الجامعة

"1"

بالهمسات.......فى ميعاد النوم
...........فى التليفون
بتقولى : بحــــــــبك
ومعادنا كالعاده 8
عند شعار الجامعه........
على كرسى الأسره

****************
"2"

علشان ف الحب المعنى الكامل للحريه
وف ضم صوابعك.........لما صوابعى بتحضن إيديك
وتقولى : إزيك........وبقولك : زيك
ونعّيد الكرّه.......كالعاده يوماتى
بالهمسات على طرف البينج
وزعيق على باب الكليه
ــ لازم تاكلى
ــ أنا مش عايزه
ــ لازم تاكل
ــ أنا مش عايز
والشاى فى الأخر
هوه ونفس الجبنه البيضه
اللى بيجمع رأييى ورأيك

***************
"3"

وفى دمعه عينك
اللى بتشكى لجلد الساعه
........بتحركها
ــ الساعه 3 لازم أروّح
أنا خايفه أسيبك
بس أكيد اللى مطمنى
إنى هاقابلك فى التليفون
ومعادنا..........كالعاده 8
على كرسى الأسرة........جنب شعار الجامعة

برواز ميـــــــــــــــــــت
(محمد حـــــــــــــازم)

على هامش أجنده

تاهت بين احلامى...ولا تعود
مازالت بقلبى..تسود
ستأتى....نعم ستأتى
روحى تحدثنى انها....ستعود

على هامش اجٍنده

لم اعتد يوماً...أن أخزل اٍمراْة
باتت تحلم
بهديه عيد الميلاد
اظل مراقباً الدهر
أياماً.... اشهر
حتى يأتى..عيد الميلاد
****************
أفقد نفسى...وانا أتجول
بين الأيام....وبين الأهات
ولا أجد....يوم...
عيد الميلاد
*****************
أفر هارباً...
لأعيد الأياما
بعيداً عن ذهنى
فيتدخل...رغم أنفى
متمرداً...لا يخضع ابداً
لأمر الفؤاد
**************
أجد الأيام على شاشه الدهر
فهذا يوم تملؤه الأحزان
وهذه ساعه فيها إشتاقت شفتى
لقاء البسمات
وتلك لحظه..
توقف فيها العمر
غابت عقارب ساعتى
فما بينى وبين الموت سوى
سكرات.....
وهذا يوم لقائك
وهذا يوم فراقك
وهذا يوم عيد الميلاد....
*****************
تاهت كل المشاعر
مزج الفرح بالأحزان
شرد عقلى فى هيام
كرس عمره فى إتئاد...
منتظر...حليماً ينتظر
رغم أنه.....لا يهوى الإنتظار
من غير ميعاد
***************
تجلى .....البدر فى موعده
فهو ابداً لا يتخلف
عن الميعاد
سألته عن ساعه اللقاء
إستدار بوجهه نحو
سحابه شتاء
دون ان يذكر شئً
عن عيد الميلاد
مكثت منتظراً حتى عاد
وما كنا فى خريف ولا شتاء
لم يستطع الهروب منى
رأيت من بين أعينه
أعين.....
لم تكن إلا عيناكى
أحسست بنفسى تقترب...
تخبرنى ....
لقد إقترب.....يوم اللقاء
**************

لقد عاد........
لمستقره عاد
كما كان قديماً
فى لب الفؤاد
يا بلابل الفرح غردى
على قبور عمر فات
يا مياه الزمن إغمرى
قنوات إبتهاج آت
روحى ....إقتربى
لا ترحلى
فلقد حان....
يوم.....
عيد الميلاد.....
*******************

برواز من غير ملامح

(احمــــــــــد الشاعر)

برواز عينيكى

تطوف بجوانب عقلى...طيور عينيها

تأثر جوانحى...بهمس الورد على خديها

زهدت الحب فى سلطانها..

ما الحب اٍلا لحظه فيما لديها....

بين طيات لوحاتها..كلماتُ تقف المشاعر عليها

متأثر انا ...بما فى قلبى..ومابين شفتيها

(محمد ابـــــــــــــــــــــــــــــراهيم)

برواز ليل

فى نص الليل

وانت الشريد

بتسمع صوت..

لما تشخط فى الطريق..

وتقوله: عيـــــــــــــــــــب

تتفتحلك.........سكتين

سكه تتخدك حبيب....

والتانيه قفلت حضنها وقالت غريب

(مصطفى نـــــــــــــوبى)

برواز ميت

جتتى همدانه موت

نفسى اقابل سريرى

..واخده فى حضنى

نفسى أنطر لو مره واحده

عليها حزنى

نفسى احلم بيها ليله..

..هى ليله جوه حضنى

(محمد حــــــــــــــازم)

برواز من غير ملامح

كلمتين اتقالوا.. من اجمل شفايف..

بددوا العمر الحزين

رسمتين من غير ملامح...

توهت كل السنين

من غير عيونك يا ملاكى

راح تصير... الكلمتين والرسمتين

من غير مـــــــــــلامح

او حنين........

(احمد الشــــــــــــــــــــاعر)