داخل حرم الجامعة
"1"
"1"
بالهمسات.......فى ميعاد النوم
...........فى التليفون
بتقولى : بحــــــــبك
ومعادنا كالعاده 8
عند شعار الجامعه........
على كرسى الأسره
****************
"2"
علشان ف الحب المعنى الكامل للحريه
وف ضم صوابعك.........لما صوابعى بتحضن إيديك
وتقولى : إزيك........وبقولك : زيك
ونعّيد الكرّه.......كالعاده يوماتى
بالهمسات على طرف البينج
وزعيق على باب الكليه
ــ لازم تاكلى
ــ أنا مش عايزه
ــ لازم تاكل
ــ أنا مش عايز
والشاى فى الأخر
هوه ونفس الجبنه البيضه
اللى بيجمع رأييى ورأيك
***************
"3"
وفى دمعه عينك
اللى بتشكى لجلد الساعه
........بتحركها
ــ الساعه 3 لازم أروّح
أنا خايفه أسيبك
بس أكيد اللى مطمنى
إنى هاقابلك فى التليفون
ومعادنا..........كالعاده 8
على كرسى الأسرة........جنب شعار الجامعة
برواز ميـــــــــــــــــــت
(محمد حـــــــــــــازم)
هناك 8 تعليقات:
ومعادنا كالعادة 8
عند شعار الجامعة
حلوة اووووووووووووى
أكيد ده موش رايي لوحدى
بس لو كانت جبنة رومى بس
:)
شكراً جداً يا همسات علي تعليقك.و إن شاء الله ليكي واحد جبنه رومي عندي بس لما تنجحي صافي إن شاء الله.
صحيح يا حازم
حد بياكل جبنه بيضه اليومين دول يا معلم
فى إختراعات جديده
(شاورمه لحمه وفراخ وهامبرجر ) كده يعنى
ولا انت كتبتها آخر الشهر :)
جميله بجد يا زمزوم
بجد مستنى اسمع منك الجديده عند الحاج طاز
انت عارف يا نوبي يا صحبي إن أول الشهر زي أخر الشهر.و أن الشورمه و الفراخ بره البيت بتبقي مش مضمونه و أنا خايف علي صحتها.
لو مسموح ليا بالمشاركه فى موضوع الجبنه البيضا...أعتقدت تبقوا وصلتوا للشخص المناسب ف المكان المناسب...
فى رأيي المتواضع..الجبنه البيضا تناسب حاله(الأشفره)اللى أحنا عاشينها...
وأضم صوتى لصوتك يا حازم الشاورمه واللزى منه اليومين دول مش مضمونه يا سيدى الفاضل....
أما بالنسبه للجبنه الرومى فأنا شايف أنها بديل مناسب لما تكون(مكيش)بما أنها أغلى من البيضا بربع جنيه مصرى....
بالنسبه للقصيده فأنا رغيت فيها كتير يا عم حازم....
عجبانى يا ريس....حاسسها فى قلبى...
ما هى بلدنا واحده وشعارنا واحد
وطول ما هى واحده...
يبقى مستنيك بكره وكل يوم على كرسى الأسره عند شعار الجامعه...
دمت مبدع ومتميز يا ريس...
برواز من غير ملامح(أحمد الشاعر)
اهلا السلام عليكم
بصراحه يا جماعه بلوجايه زى العسل
وكمان موضوع الشاورمه والجبنه ده حساس اوى يا جماعه
الناس كلها مأشفره
وعلى اد لحافك مد رجليك
يبقى ولا جبنه رومى ولا حتى جبنه بيضه
هو بنص جنيه زيتون
وكفى الله المؤمنين شر القتال
على فكره يا رجاله انا فى تجاره عين شمس زيكم
شكرا لصاحب البوست
بعيد عن التهريج البوست بتاعك جامد اوى
تحياتى ليك
شكراًجداً يا شاعر علي تعليقك
و مشاركتك ليا في الأحساس بالقصيدة
و دمنا براويز و دمنا مبدعين و فنانين و مختلفيين.
شكراً ل 7kawinaعلى المشاركه في البلج و إن شاء الله عيزين نتقابل ف الجامعه .و أنت كمان بلاجج جامد .
إرسال تعليق